Еразмус+ е најголемата европска образовна програма која се занимава со финансирање на проекти за мобилност и соработка во областа на образованието, обуката, младите и спортот. Создадена е во 2014 година, а во 2021 година влезе во нов седумгодишен период на имплементација кој ќе трае до 2027 година.
Програмата Еразмус+ настојува да овозможи учество на уште повеќе учесници и поширок опсег на организации во периодот 2021-2027 година. Во оваа насока, новата програма ја нагласува инклузивноста, зелените иницијативи и дигитализацијата како клучни и најважни приоритети кои ги поддржува преку финансиски механизми, потоа зајакнувањето на граѓанските вредности, дијалогот на културите, толеранцијата и разбирањето на општественото, културното и историското наследство.
Општата цел на Програмата е да го поддржи образовниот, професионалниот и личниот развој на луѓето во областа на образованието, обуката, младите и спортот преку доживотното учење.
Тоа се пред се европски земји, но и сите други земји во светот во одреден капацитет. Сите членки на програмата се поделени на земји-членки на ЕУ и трети земји поврзани со Програмата и трети земји кои не се поврзани со Програмата. Земјите-членки на ЕУ и трети земји поврзани со Програмата (членки на ЕУ и шест други земји: Северна Македонија, Исланд, Лихтенштајн, Норвешка, Турција и Србија) можат да учествуваат во сите делови на програмата, а трети земји кои не се поврзани со Програмата (сите други земји поделени по региони) можат да учествуваат само во некои делови од програмата.
„ПРВА ПОМОШ ВО СВЕТОТ“ Е ПАРТНЕРСТВО ЕРАЗМУС+ К202 ФОРМИРАНО ОД 5 СРЕДНИ СТРУЧНИ УЧИЛИШТА ОД СРБИЈА, ПОРТУГАЛИЈА, ШПАНИЈА, ТУРЦИЈА И СЕВЕРНА МАКЕДОНИЈА. ГЛАВНА ТЕМА НА ПРОЕКТОТ Е ПРВА ПОМОШ.
Секаде во светот, прва помош е основното знаење кое треба да го совлада поединецот за да може да им помогне на своите најблиски и себеси во кризни ситуации. Знаењето
за пружањето прва помош е задолжително за секого и треба да биде дел од општа култура. Многу е важно младите да ја знаат и да ја разберат важноста на давањето помош во даден момент. Првата помош е чин на спасување животи, но е и одраз на хуманоста, алтруизмот и чувството за потреба од други луѓе. Затоа знаењето за прва помош треба да биде дел од здравствената култура на граѓаните.